ដំណើរ​មក​សហរដ្ឋ​អាមេរិក៖ ជនអន្តោប្រវេសន៍រៀបរាប់រឿងរ៉ាវរបស់ខ្លួន សហរដ្ឋ​អាមេរិក គឺ​ជា​ប្រទេស​មួយ​នៃ​ជនអន្តោប្រវេសន្ត៍។ អស់​រយៈពេល​ជាង​មួយ​សតវត្សរ៍​មក​ហើយ សហរដ្ឋ​អាមេរិក គឺ​ជា​ជម្រើស​លើ​គេ​សម្រាប់​អ្នក​ដែល​ចង់​បាន​ជីវិត​ល្អ​ប្រសើរ។ រៀងរាល់​ឆ្នាំ ប្រជាពលរដ្ឋ​ប្រមាណជា​១​លាន​នាក់ បាន​ដាក់​ពាក្យ​សុំ​ទិដ្ឋាការ​មក​រស់នៅ​សហរដ្ឋ​អាមេរិក ក៏ប៉ុន្តែ អ្នក​ដែល​ទទួល​បាន​ទិដ្ឋាការ​មាន​ចំនួន​តែ​ពាក់​កណ្តាល​នៃ​ចំនួន​នេះ​តែ​ប៉ុណ្ណោះ។ ក៏ប៉ុន្តែ ការទទួល​បាន​ទិដ្ឋាការ​នេះ គឺ​គ្រាន់តែ​ជា​ការចាប់ផ្តើម​នៃ​ដំណើរ​ដ៏​វែង​ឆ្ងាយ​មួយ​ឆ្ពោះ​ទៅ​ការផ្លាស់ប្តូរ​ដ៏​ជោគជ័យ​សម្រាប់​ជីវិត​ថ្មី​តែប៉ុណ្ណោះ។ នៅក្នុង​សេចក្តី​រាយការណ៍​ជា​វីដេអូ​នេះ VOA នឹង​ពិនិត្យ​មើល​ឧបសគ្គ និង​ឱកាស​ដែល​ពលរដ្ឋ​ដែល​ធ្វើ​ដំណើរ​មក​សហរដ្ឋ​អាមេរិក​នេះ ជួប​ប្រទះ៕

សហភាពអឺរ៉ុបបានគំរាមដាក់ទណ្ឌកម្មប្រទេសកម្ពុជា នៅថ្ងៃចន្ទនេះ សហភាពអឺរ៉ុបបានគំរាមដាក់ទណ្ឌកម្មសេដ្ឋកិច្ចប្រទេសកម្ពុជាបន្ទាប់ពីគណបក្សកាន់អំណាចនិយាយថា ខ្លួនបានអាសនៈទាំងអស់ពីការបោះឆ្នោតព្រឹទ្ធសភាដែលអ្នកគាំទ្រគណបក្សប្រឆាំងត្រូវបានដកហូតសិទ្ធិបោះឆ្នោត។ អ្នកស្រី Federica Mogherini មេដឹកនាំគោលនយោបាយការបរទេសសហភាពអឺរ៉ុប បានប្រាប់សន្និសីទព័ត៌មានថា ក្រុមប្រឹក្សាបានពិចារណាវិធានការប្រឆាំងរដ្ឋាភិបាលកម្ពុជាដែលអ្នកការទូតនិយាយថា ជាការព្រមានលោកនាយករដ្ឋមន្រ្តីហ៊ុនសែន ដែលកាន់អំណាចជាងបីទសវត្សរ៍ថា មន្ត្រីរដ្ឋាភិបាលជាន់ខ្ពស់អាចប្រឈមនឹងការដាក់ទណ្ឌកម្ម។ លោក Mogherini ក៏បាននិយាយផងដែរថា ជំនួយហិរញ្ញវត្ថុដល់គណៈកម្មាធិការជាតិរៀបចំការបោះឆ្នោតត្រូវបានផ្អាករួចហើយ។ អ្នកស្រីបន្តថា សហភាពអឺរ៉ុបកំពុងពិនិត្យឡើងវិញនូវកិច្ចព្រមព្រៀងពាណិជ្ជកម្មអនុគ្រោះពន្ធលើទំនិញគ្រប់បែបយ៉ាងលើកលែងអាវុធសម្រាប់ប្រទេសកម្ពុជា។ កិច្ចព្រមព្រៀងនេះអនុញ្ញាតឱ្យកម្ពុជាទទួលបានការអនុគ្រោះពន្ធនៅទីផ្សារអឺរ៉ុបដែលមានប្រជាជនប្រមាណ ៥០០លាននាក់។ គណបក្សប្រឆាំងដ៏សំខាន់នៅកម្ពុជាគឺគណបក្សសង្គ្រោះជាតិត្រូវបានរំលាយដោយតុលាការកាលពីខែវិច្ឆិកាឆ្នាំមុនតាមសំណើរបស់រដ្ឋាភិបាលហើយសមាជិកសភា៥៥រូបនិងសមាជិកក្រុមប្រឹក្សាឃុំ ៥០០៧នាក់បាត់សិទ្ធិបោះឆ្នោតព្រឹទ្ធសភានេះ។ ការរំលាយនេះធ្វើឡើងបន្ទាប់ពីការចាប់ខ្លួនលោកកឹម សុខាមេដឹកនាំគណបក្សសង្គ្រោះជាតិដោយចោទថា គ្រោងនឹងផ្តួលរំលំរដ្ឋាភិបាលដោយមានជំនួួយពីអាមេរិក ជាការចោទប្រកាន់ដែលលោកកឹម សុខានិងអាមេរិកបដិសេធ៕ The Voice of America Khmer Service (VOA Khmer) broadcasts comprehensive news and feature multimedia programs about Cambodia, Southeast Asia, America and the world. Everyday, our radio programs provide the latest news. We also deliver in-depth reporting and analysis in international politics, human rights, economics, science, health, business and entertainment.